Քառակուսի ֆուտեր փոխարկում

Քառակուսի ֆուտեր

Միավոր:

• Տարածք

Կիրառվում է աշխարհով մեկ:

• Քառակուսի ֆուտը հիմնականում օգտագործվում է ԱՄՆ-ում, Կանադայում և Մեծ Բրիտանիայում որպես տարածքի չափման միավոր:

Նկարագրություն:

Քառակուսի ֆուտը կայսերական և ԱՄՆ չափման միավորների ավանդական համակարգերում օգտագործվող տարածքի միավոր է:

Տարածքի չափումը գծային չափման երկչափանի ածանցյալ է, այնպես որ քառակուսի ֆուտը սահմանվում է որպես 1 ֆուտ երկարությամբ կողմեր ունեցող քառակուսու տարածք:

Սահմանում:

Քառակուսի ֆուտը մետրիկ տերմիններով՝ քառակուսի է, որի կողմերը 0,3048 մետր երկարություն ունեն: Մեկ քառակուսի ֆուտը հավասար է 0.09290304 քառակուսի մետրի:

Տարածված հղումներ:

• Սպիտակ տան (Վաշինգտոն, ԱՄՆ) վեց հարկերը միասին մոտավորապես 55 000 քառակուսի ֆուտ տարածք ունեն:
• 2003թ.-ին Մեծ Բրիտանիայում միջին նորակառույց շենքն՝ ըստ հատկագծ,ի 818 ֆուտ² է, այն դեպքում, երբ Միացյալ Նահանգներում նորակառույց շենքը երեք անգամ մեծ է՝ ըստ հատկագծի 2,300 ֆուտ² է:

Օգտագործման համատեքստ:

Քառակուսի ֆուտը հիմնականում օգտագործվում է ճարտարապետության, անշարժ գույքի և ինտերյերների տարածական հատակագծերի մեջ՝ տարածքը նշելու համար:

Քառակուսի ֆուտը կարող է օգտագործվել ցանկացած մակերևույթի, ինչպես, օրինակ՝ հատակի, պատերի կամ տանիքի մակերեսը չափելու համար, այն դեպքում երբ ակրերը բացառապես օգտագործվում են հողի մասնաբաժնի չափման համար:

1 քառակուսի ֆուտը = մոտավորապես 0.000022959 ակրի:

1 ակրը = 43,560 քառակուսի ֆուտի:

Քառակուսի ֆուտերով սենյակի մակերեսը հաշվելու համար չափեք սենյակի երկարությունը և լայնությունը ֆուտերով, ապա այդ թվերը բազմապատկեք մեկը մյուսով՝ մակերեսը ֆուտ²-ով ստանալու համար:

Օրինակ՝ 12 ֆուտ x 15 ֆուտ չափերով սենյակը կունենա 180 ֆուտ² մակերես (12 x 15 = 180):

Երբ քառակուսի ֆուտեր են օգտագործվում, կարևոր է հիշել, որ քառակուսի ֆուտի թիվը վերաբերում է տվյալ տարածքի ընդհանուր մակերեսին և ոչ թե՝ տարածքի իրական չափերին: Օրինակ՝ սենյակի 20 ֆուտ² մակերեսը չի նշանակում 20 ֆուտ x 20 ֆուտ (ինչը փաստորեն կկազմի 400 ֆուտ² մակերեսով սենյակ): Փոխարենը՝ 4 ֆուտ x 5 ֆուտ չափեր ունեցող սենյակի մակերեսը կլինի 20 ֆուտ²:

Բաղադրիչի միավորներ:

• 1 ֆուտ² բաղկացած է 144 քառակուսի դյույմից (քառ. դյույմը քառակուսի է, որի ամեն կողմը 1 դյույմ է):

Բազմապատիկներ:

• քառակուսի յարդ (Sq Yd) = 9 ֆուտ² /ft²/
• Մեկ յարդը հավասար է երեք ֆուտի, հետևաբար քառակուսի յարդը կարելի է պատկերացնել որպես երեք ֆուտ կողմերով քառակուսի, կամ մեկ ֆուտ երկարությամբ կողմեր ունեցող ինը քառակուսուց կազմված քառակուսի: